PENTI PEMALI KITAI IBAN

1. Mali ngena tanggi / tanggui dalam bilik/rumah enggai ka di tinggang punggu.

2. Mali tinduk mekang (kira kira 5 pm) enggaika tesat lebuh bejalai begiga dalam kampung.

3. Mali ngirit utai niti ruai enggaika rumah angat/kena tuntung penusah.

4. Mali nungaka pala kili enti lebuh tinduk enggai ka sebaka enggau antu sebayan.

5. Mali bekuah ka ai sabau/sup diri empu enti maya makai enggaika kena tuntung penusah enti lebuh bejalai/begiga ba kampung.

6. Mali makai ngena periuk/kali enggai ka digagai jugam/jelu siga ke bukai lebuh bejalai ba kampung.

7. Mali makai ngena tudung periuk enggaika tumbuh mayuh ragum.

8. Mali ngigi tubu enti udah nganjung antu/bangkai enggai ka pisit parai.

9. Mali duduk di pala tangga maya silau ari enggaika diperaka antu.

10. Mali ngentakka ujung sengayuh ba tengah ruai/jalai enggaika ukoi bira sengapa.

11. Mali ketawa/bejaku lebuh maia nanam jagung enggaika jagung nadai isi.

12. Mali ditanya lebuh benung makai maya nugal enggaika padi enda nyadi.

13. Mali nyengukka pala aja ba mua pintu enggaika panjuk ti ditan enggai bulih jelu.

14. Mali duduk ba mua pintu/jalai enti lebuh manang besudi enggaika ngempang jalai manang nangkap/ngiga semengat orang ti sakit.

15. Mali tama ke bilik orang enti lebuh manang belian / ninjau ngena batu ilau enggaika semengat orang ti sakit nya siga.

P/S: This was copied and paste from GBDPB WhatsApp group. Will be updated soon in near future once we have new article on this penti pemali.